Azala

Zapatu honetan, 19:00etan, zazpi kantuz osatutako errepertorio zabala eskainiko du Azpeitiko Musika Bandak. Sanagustin kulturgunean emango du kontzertua.

Maiatzaren 17tik 25era bitartean Itzaltzuko bardoaren istorioa ezagutzeko bidea emango duten hiru ekitaldi izango dira Azpeitian, kultur taldeen parte hartze handiarekin. Batetik, istorioa ezagutzeko filma botako dute 17an, eta hurrengo egunean Itsasi, Sahatsa, Musika Eskola, Musika Banda, Napar Zuzterrak, Lakrikun, Antzerki Tailerra eta Julian Barrenetxea Abesbatzaren artean antzezpena egingo dute. Bi ekimenok Soreasu Antzokian izango dira. Bestetik, eta Gartxot ekimenarekin amaitzeko, Pako Aristi eta Benito Lertxundiren arteko solasaldia egongo da, Sanagustin kulturgunean.

Azpeitko Kultur Mahaiak hilero bazkideen artean egin ohi duen zozketa egin berritan, jarraian duzue emaitza. Hilabete honetan, zozketagaien artean aipagarria da herriko baserritarrek osatutako otarra zozkatu dugula, garaiko produktuekin betea. Urtebetean hiru zozkatuko ditugu, garai berri bakoitzeko bat. Otarrarena posible egin ahal izan da, Sanagustin kulturguneak baserritarrekin abian jarri duen proiektuarengatik, izan ere, herriko nekazarien produktuak eta garaian garaikoak erabiltzen hasia baitiago kulturgunea.

Asier Sustaetak berriro egin du. Aurreko batean aipatu genuen nola argazkiekin garai bateko Azpeitia eta oraingoa alderatu zituela bideo bat osatuta. Orduko hura, ordea, amaitu gabeko proiektua zela adierazi zuen. Gehiago osatu du oraingo honetan eta 10 minutuko bideoa sortu du, herria aldatzen eta nola aldatzen ari den ikustarazten duena. "Kostata, baina hemen da, azkenean, lan guztia bukatu xamartuta", adierazi du facebookean.

Pako Aristiren lanen irakurketa publikoa egingo dute asteazkenean Iruñean.