Azpeitiko Orbegozotarren arrastoak biltzen dituen liburua argitaratu dute: 'Altzagako Orbegozotarrak'

Manolo Cainzo Peteirok Elosiaga auzoko Altzaga baserritik abiatuta Orbegozo abizenaren inguruko azterketa egin du, baina ez hori bakarrik, gauza gehiago ere biltzen dituelako liburuak: "Alde batetik, Altzaga baserriaren deskribapena dago; monumentu historikoa den aldetik, eta abar. Bestetik, iruditu zitzaidan liburuak ezin zuela Orbegozotarrei buruz bakarrik izan, haientzako bakarrik izango litzatekeelako interesgarria. Horregatik, nekazari munduaren testuinguru sozio-kulturala ere landu dut. Gipuzkoako baserrien deskribapena eta haien garapenaren berri eman dut, eta hori gipuzkoar guztientzat interesgarria izan daitekeela uste dut". Elkarrizketa egin diote Urola Kostako Hitzan, Arkupean atalean.