Xabier Lete gogoan, kantaldia hilaren 23an Izarraitz pilotalekuan

Xabier Lete zena gogoan hartuta kantaldia izango da hilaren 23an (ostirala) Azpeitian, Izarraitz pilotalekuan, Udalak eta beste eragile batzuek antolatuta. 22:00etan hasiko da, eta Eñaut Elorrieta (Ken Zazpi), Alex Sardui (Gatibu), Anje Duhalde, Pier Pul Berzaitz, Arantxa Irazusta eta Petti ariko dira kantuan. Sarrerak www.kutxa.net-en, Sanagustin kulturgunean eta Pastorkua, Iraurgi, Eguzkitza eta Etxe Zuri tabernetan eros daitezke, 15 euroan. Duela urtebete hil zen Lete, gaixotasun baten ondorioz.